ॐ श्री गुरुभ्यो नमः|| गुरु ब्रह्मा गुरु विष्णु गुरु देवो महेश्वर: | गुरु साक्षात् परब्रह्मा तस्मै श्री गुरवे नमः ||

HTML codes

02 July 2011

aanandlahari



आनन्दलहरी

1.1.a

शिवः शक्त्या युक्तो यदि भवति शक्तः प्रभवितुं
1.1.b
न चेदेवं देवो न खलु कुशलः स्पन्दितुमपि
1.1.c
अतस्त्वामाराध्यां हरिहरविरिञ्चादिभिरपि
1.1.d
प्रणन्तुं स्तोतुं वा कथमकृतपुण्यः प्रभवति ॥१॥
1.2.a
तनीयांसं पांसुं तव चरणपङ्केरुहभवं
1.2.b
विरिञ्चिस्सञ्चिन्वन्विरचयति लोकानविकलं
1.2.c
बहत्येनं शौरिः कथमपि सहस्रेण शिरसां
1.2.d
हरस्संक्षुद्यैनं भजति भसितोद्धूलनविधिं ॥२॥
1.3.a
अविद्यानामन्त -स्तिमिर -मिहिरद्वीपनगरी
1.3.b
जडानां चैतन्य -स्तबक -मकरन्द -स्रुतिझरी
1.3.c
दरिद्राणां चिन्तामणिगुणनिका जन्मजलधौ
1.3.d
निमग्नानां दंष्ट्रा मुररिपु -वराहस्य भवती ॥३॥
1.4.a
त्वदन्यः पाणिभ्यामभयवरदो दैवतगणः
1.4.b
त्वमेका नैवासि प्रकटितवराभीत्यभिनया
1.4.c
भयात्त्रातुं दातुं फलमपि च वांछासमधिकं
1.4.d
शरण्ये लोकानां तव हि चरणावेव निपुणौ ॥४॥
1.5.a
हरिस्त्वामाराध्य प्रणतजनसौभाग्यजननीं
1.5.b
पुरा नारी भूत्वा पुररिपुमपि क्षोभमनयत्
1.5.c
स्मरो अपि त्वां नत्वा रतिनयनलेह्येन वपुषा
1.5.d
मुनीनामप्यन्तः प्रभवति हि मोहाय महतां ॥५॥
1.6.a
धनुः पौष्पं मौर्वी मधुकरमयी पञ्च विशिखाः
1.6.b
वसन्तः सामन्तो मलयमरुदायोधनरथः
1.6.c
तथाप्येकः सर्वं हिमगिरिसुते कामपि कृपां
1.6.d
अपांगात्ते लब्ध्वा जगदिद -मनङ्गो विजयते ॥६॥
1.7.a
क्वणत्काञ्चीदामा करिकलभकुम्भस्तननता
1.7.b
परिक्षीणा मध्ये परिणतशरच्चन्द्रवदना
1.7.c
धनुर्बाणान्पाशं सृणिमपि दधाना करतलैः
1.7.d
पुरस्तादास्तां नः पुरमथितुराहोपुरुषिका ॥७॥
1.8.a
सुधासिन्धोर्मध्ये सुरविटपिवाटीपरिवृते
1.8.b
मणिद्वीपे नीपोपवनवति चिन्तामणिगृहे
1.8.c
शिवाकारे मञ्चे परमशिवपर्यङ्कनिलयां
1.8.d
भजन्ति त्वां धन्याः कतिचन चिदानन्दलहरीं ॥८॥
1.9.a
महीं मूलाधारे कमपि मणिपूरे हुतवहं
1.9.b
स्थितं स्वाधिष्ठाने हृदि मरुतमाकाशमुपरि
1.9.c
मनो अपि भ्रूमध्ये सकलमपि भित्वा कुलपथं
1.9.d
सहस्रारे पद्मे सह रहसि पत्या विहरसे ॥९॥
1.10.a
सुधाधारासारैश्चरणयुगलान्तर्विगलितैः
1.10.b
प्रपञ्चं सिञ्चन्ती पुनरपि रसाम्नायमहसः
1.10.c
अवाप्य स्वां भूमिं भुजगनिभमध्युष्टवलयं
1.10.d
स्वमात्मानं कृत्वा स्वपिषि कुलकुण्डे कुहरिणि ॥१०॥
1.11.a
चतुर्भिः श्रीकण्ठैः शिवयुवतिभिः पञ्चभिरपि
1.11.b
प्रभिन्नाभिः शम्भोर्नवभिरपि मूलप्रकृतिभिः
1.11.c
चतुश्चत्वारिंशद्वसुदलकलाश्रत्रिवलय
1.11.d
त्रिरेखाभिः सार्धं तव शरणकोणाः परिणताः ॥११॥
1.12.a
त्वदीयं सौन्दर्यं तुहिनगिरिकन्ये तुलयितुं
1.12.b
कवीन्द्राः कल्पन्ते कथमपि विरिञ्चिप्रभृतयः
1.12.c
यदालोकौत्सुक्यादमरललना यान्ति मनसा
1.12.d
तपोभिर्दुष्प्रापामपि गिरिशसायुज्यपदवीम् ।।१२।।
1.13.a
नरं वर्षीयांसं नयनविरसं नर्मसु जडं
1.13.b
तवापाङ्गालोके पतितमनुधावन्ति शतशः
1.13.c
गलद्वेणीबन्धाः कुचकलशविस्रस्तसिचया
1.13.d
हठात्त्रुट्यत्काञ्च्यो विगलितदुकूला युवतयः ॥१३॥
1.14.a
क्षितौ षट्पञ्चाशद्द्विसमधिकपञ्चाशदुदके
1.14.b
हुताशे द्वाषष्टिश्चतुरधिकपञ्चाशदनिले
1.14.c
दिवि द्विष्षट्ह्त्रिंशन्मनसि च चतुष्षष्टिरिति ये
1.14.d
मयूखास्तेषामप्युपरि तव पादाम्बुजयुगं ॥१४॥
1.15.a
शरज्ज्योत्स्नाशुद्धां शशियुतजटाजूटमुकुटां
1.15.b
वरत्रासत्राणस्फटिकघुटिकापुस्तककरां
1.15.c
सकृन्नत्वां नत्वा कथमिव सतां संन्निदधते
1.15.d
मधुक्षीरद्राक्षामधुरिमधुरीणाः कणितयः ॥१५॥
1.16.a
कवीन्द्राणां चेतःकमलवनबालातपरुचिं
1.16.b
भजन्ते ये सन्तः कतिचिदरुणामेव भवतीम्
1.16.c
विरिञ्चिप्रेयस्यास्तरुणतरशृङ्गारलहरी
1.16.d
गभीराभिर्वाग्भिर्विदधति सतांरञ्जनममी ॥१६॥
1.17.a
सवित्रीभिर्वाचां शशिमणिशिलाभङ्गरुचिभिः
1.17.b
वशिन्याद्याभिस्त्वां सह जननि संचिन्तयति यः
1.17.c
स कर्ता काव्यानां भवति महतां भङ्गिरुचिभिः
1.17.d
वचोभिर्वाग्देवीवदनकमलामोदमधुरैः ॥१७॥
1.18.a
तनुच्छायाभिस्ते तरुणतरणिश्रीसरणिभिः
1.18.b
दिवं सर्वामुर्वीमरुणिमनिमग्नां स्मरति यः
1.18.c
भवन्त्यस्य त्रस्यद्वनहरिणशालीननयनाः
1.18.d
सहोर्वश्या वश्याः कति कति न गीर्वाणगणिकाः ॥१८॥
1.19.a
मुखं बिन्दुं कृत्वा कुचयुगमधस्तस्य तदधो
1.19.b
हरार्धं ध्यायेद्योहरमहिषि ते मन्मथकलाम्
1.19.c
स सद्यः संक्षोभं नयति वनिता इत्यतिलघु
1.19.d
त्रिलोकीमप्याशु भ्रमयति रवीन्दुस्तनयुगाम् ।।१९।।
1.20.a
किरन्तीमङ्गेभ्यः किरणनिकुरम्बामृतरसं
1.20.b
हृदि त्वामाधत्ते हिमकरशिलामूर्तिमिव यः
1.20.c
स सर्पाणां दर्पं शमयति शकुन्ताधिप इव
1.20.d
ज्वरप्लुष्टान्दृष्ट्या सुखयति सुधासारसिरया ॥२०॥
1.21.a
तटिल्लेखातन्वीं तपनशशिवैश्वानरमयीं
1.21.b
निषण्णां षण्णामप्युपरि कमलानां तव कलाम्
1.21.c
महापद्माटव्यां मृदितमलमायेन मनसा
1.21.d
महान्तः पश्यन्तो दधति परमाह्लादलहरीम् ।।२१।।
1.22.a
भवानि त्वं दासे मयि वितर दृष्टिं सकरुणा
1.22.b
मिति स्तोतुं वाञ्छन्कथयति भवानि त्वमिति यः
1.22.c
तदैव त्वं तस्मै दिशसि निजसायुज्यपदवीं
1.22.d
मुकुन्दब्रह्मेन्द्रस्फुटमुकुटनीराजितपदाम् ।।२२।।
1.23.a
त्वया हृत्वा वामं वपुरपरितृप्तेन मनसा
1.23.b
शरीरार्धं शम्भोरपरमपि शङ्के हृतमभूत्
1.23.c
यदेतत्त्वद्रूपं सकलमरुणाभं त्रिनयनं
1.23.d
कुचाभ्यामानम्रं कुटिलशशिचूडालमुकुटम् ।।२३।।
1.24.a
जगत्सूते धाता हरिरवति रुद्रः क्षपयते
1.24.b
तिरस्कुर्वन्नेतत्स्वमपि वपुरीशस्तिरयति
1.24.c
सदापूर्वः सर्वं तदिदमनुगृह्णाति च शिव
1.24.d
स्तवाज्ञामालम्ब्य क्षनचलितयोर्भ्रूलतिकयोः ॥२४॥
1.25.a
त्रयाणां देवानां त्रिगुणजनितानांतव शिवे
1.25.b
भवेत्पूजा पूजा तव चरणयोर्या विरचिता
1.25.c
तथा हि त्वत्पादोद्वहनमणिपीठस्य निकटे
1.25.d
स्थिता ह्येते शश्वन्मुकुलितकरोत्तंसमकुटाः ॥२५॥
1.26.a
विरिञ्चिः पञ्चत्वं व्रजति हरिराप्नोति विरतिं
1.26.b
विनाशं कीनाशो भजति धनदो याति निधनम्
1.26.c
वितन्द्री माहेन्द्री विततिरपि संमीलति दृशां
1.26.d
महासंहारे अस्मिन्विहरति सति त्वत्पतिरसौ ॥२६॥
1.27.a
जपो जल्पः शिल्पं सकलमपि मुद्राविरचना
1.27.b
गतिः प्रादक्षिण्यक्रमणमशनाद्याहुतिविधिः
1.27.c
प्रणामस्संवेशस्सुखमखिलमात्मार्पणदृशा
1.27.d
सपर्यापर्यायस्तव भवतु यन्मे विलसितम् ।।२७।।
1.28.a
सुधामप्यास्वाद्य प्रतिभयजरामृत्युहरिणीं
1.28.b
विपद्यन्ते विश्वे विधिशतमखाद्या दिविषदः
1.28.c
करा ळ्अं यत्क्ष्वे ळ्अं कबलितवतः कालकलना
1.28.d
न शम्भोस्तन्मूलं तव जननि ताटङ्कमहिमा ॥२८॥
1.29.a
किरीटं वैरिञ्चं परिहर पुरः कैटभभिदः
1.29.b
कठोरे कोटीरे स्खलसि जहि जम्भारिमुकुटम्
1.29.c
प्रणम्रेष्वेतेषु प्रसभमुपयातस्य भवनं
1.29.d
भवस्याभ्युत्थाने तव परिजनोक्तिर्विजयते ॥२९॥
1.30.a
स्वदेहोद्भूताभिर्घृणिभिरण्माद्याभिरभितो
1.30.b
निषेव्ये नित्ये त्वांइति सदा भावयति यः
1.30.c
किमाश्चर्यं तस्य त्रिनयनसमृद्धिं तृणयतो
1.30.d
महासंवर्ताग्निर्विरचयति निराजनविधिं ॥३०॥
1.31.a
चतुष्षष्ट्या तन्त्रैः सकलमतिसंधाय भुवनं
1.31.b
स्थितस्तत्तत्सिद्धिप्रसवपरतन्त्रैः पशुपतिः
1.31.c
पुनस्त्वन्निर्बन्धादखिलपुरुषार्थैकघटना
1.31.d
स्वतन्त्रं ते तन्त्रं क्षितितलमवातीतरदिदम् ।।३१।।
1.32.a
शिवः शक्तिः कामः क्षितिरथ रविः शीतकिरणः
1.32.b
स्मरो हंसः शक्रस्तदनु च परामारहरयः
1.32.c
अमी हृल्लेखाभिस्तिसृभिरवसानेषु घटिता
1.32.d
भजन्ते वर्णास्ते तव जननि नामावयवताम् ।।३२।।
1.33.a
स्मरं योनिं लक्ष्मीं त्रितयमिदमादौ तव मनो
1.33.b
र्निधायैके नित्ये निरवधिमहाभोगरसिकाः
1.33.c
भजन्ति त्वां चिन्तामणिगुननिबद्धाक्षवलयाः
1.33.d
शिवाग्नौ जुह्वन्तः सुरभिघृतधाराहुतिशतैः ॥३३॥
1.34.a
शरीरं त्वं शम्भोः शशिमिहिरवक्षोरुहयुगं
1.34.b
तवात्मानं मन्ये भगवति नवात्मानमनघम्
1.34.c
अतश्शेषश्शेषीइत्ययमुभयसाधारणतया
1.34.d
स्थितः संबन्धो वां समरसपरानन्दपरयोः ॥३४॥
1.35.a
मनस्त्वं व्योम त्वं मरुदसि मरुत्सारथिरसि
1.35.b
त्वमापस्त्वं भूमिस्त्वयि परिणतायां न हि परम्
1.35.c
त्वमेव स्वात्मानं परिणमयितुं विश्ववपुषा
1.35.d
चिदानन्दाकारं शिवयुवति भावेन बिभृषे ॥३५॥
1.36.a
तवाज्ञाचक्रस्थं तपनशशिकोटिद्युतिधरं
1.36.b
परं शम्भुं वन्दे परिमिलितपार्श्वं परचिता
1.36.c
यमाराध्यन्भक्त्या रविशशिशुचीनामविषये
1.36.d
निरालोके अलोके निवसति हि भालोकभवने ॥३६॥
1.37.a
विशुद्धौ ते शुद्धस्फटिकविशदं व्योमजनकं
1.37.b
शिवं सेवे देवीमपि शिवसमानव्यवसिताम्
1.37.c
ययोः कान्त्या यान्त्या शशिकिरणसारूप्यसरणिं
1.37.d
विधूतान्तर्ध्वान्ताविलसति चकोरीव जगती ॥३७॥
1.38.a
समुन्मीलत्संवित्कमलमकरन्दैकरसिकं
1.38.b
भजे हंसद्वन्द्वं किमपि महतां मानसचरम्
1.38.c
यदालापादष्टादशगुणितविद्यापरिणति
1.38.d
र्यदादत्ते दोषाद्गुणमखिलमद्भ्यः पय इव ॥३८॥
1.39.a
तव स्वाधिष्ठाने हुतवहमधिष्ठाय निरतं
1.39.b
तमीडे संवर्तं जननि महतीं तां च समयाम्
1.39.c
यदालोके लोकान्दहति महति क्रोधकलिते
1.39.d
दयार्द्रा यद्दृष्टिः शिशिरमुपचारं रचयति ॥३९॥
1.40.a
तटित्त्वन्तं शक्त्या तिमिरपरिपन्थिफुरणया
1.40.b
स्फुरन्नानारत्नाभरणपरिणद्धेन्द्रधनुषम्
1.40.c
तव श्यामं मेघं कमपि मणिपूरैकशरणं
1.40.d
निषेवे वर्षन्तं हरमिहिरतप्तं त्रिभुवनम् ।।४०।।
1.41.a
तवाधारे मूले सह समयया लास्यपरया
1.41.b
नवात्मानं मन्ये नवरसमहाताण्डवनटम्
1.41.c
उभाभ्यामेताभ्यामुदयविधिमुद्दिश्य दयया
1.41.d
सनाथाभ्यां जज्ञे जनकजननीमज्जगदिदम् ।।४१।।
सौन्दर्यलहरी
2.42.a
गतैर्माणिक्यत्वं गगनमणिभिः सान्द्रघटितं
2.42.b
किरीटं ते हैमं हिमगिरिसुते कीर्तयति यः
2.42.c
स नीडेयच्छायाच्छुरणशबलं चन्द्रशकलं
2.42.d
धनुः शौनासीरं किमिति न निबध्नाति धिषणाम् ।।४२।।
2.43.a
धुनोतु ध्वान्तं नस्तुलितदलितेन्दीवरवनं
2.43.b
घनस्निग्धश्लक्ष्णं चिकुरनिकुरम्बं तव शिवे
2.43.c
यदीयं सौरभ्यं सहजमुपलब्धुं सुमनसो
2.43.d
वसन्त्यस्मिन्मन्ये वलमथनवाटीविटपिनाम् ।।४३।।
2.44.a
तनोतु क्षेमं नस्तव वदनसौन्दर्यलहरी
2.44.b
परीवाहस्रोतःसरणिरिव सीमन्तसरणिः
2.44.c
वहन्ती सुन्दूरं प्रबलकबरीभारतिमिर
2.44.d
द्विषां बृन्दैर्बन्दीकृतमिव नवीनार्ककिरणम् ।।४४।।
2.45.a
अरालैः स्वाभाव्यादलिकलभसश्रीभिरलकैः
2.45.b
परीतं ते वक्त्रं परिहसति पङ्केरुहरुचिम्
2.45.c
दरस्मेरे यस्मिन्दशनरुचिकिञ्जल्करुचिरे
2.45.d
सुगन्धौ माद्यन्ति स्मरदहनचक्षुर्मधुलिहः ॥४५॥
2.46.a
ललाटं लावण्यद्युतिविमलमाभाति तव य
2.46.b
द्द्वितीयं तन्मन्ये {मकुट }घटितं चन्द्रशकलम्
2.46.c
विपर्यासन्यासादुभयमपि संभूय च मिथः
2.46.d
सुधालेपस्यूतिः परिणमति राकाहिमकरः ॥४६॥
2.47.a
भ्रुवौ भुग्ने किंचिद्भुवनभयभङ्गव्यसनिनि
2.47.b
त्वदीये नेत्राभ्यां मधुकररुचिभ्यां धृतगुणम्
2.47.c
धनुर्मन्ये सव्येतरकरगृहीतं रतिपतेः
2.47.d
प्रकोष्ठे मुष्टौ च स्थगयति निगूढान्तरमुमे ॥४७॥
2.48.a
अहः सूते सव्यं तव नयनमर्कात्मकतया
2.48.b
त्रियामां वामं ते सृजति रजनीनायकतया
2.48.c
तृतीया ते दृष्तिर्दरदलितहेमाम्बुजरुचिः
2.48.d
समाधत्ते संध्यां दिवसनिशयोरन्तरचरीम् ।।४८।।
2.49.a
विशाला कल्याणी स्फुटरुचिरयोध्या कुवलयैः
2.49.b
कृपाधाराधारा किमपि मधुरा भोगवतिका
2.49.c
अवन्ती दृष्टिस्ते बहुनगरविस्तारविजया
2.49.d
ध्रुवं तत्तन्नामव्यवहरणयोग्या विजयते ॥४९॥
2.50.a
कवीनां संदर्भस्तबकमकरन्दैकरसिकं
2.50.b
कटक्षव्याक्षेपभ्रमरकलभौ कर्णयुगलम्
2.50.c
अमुञ्चन्तौ दृष्ट्वा तव नवरसास्वादतरला
2.50.d
वसूयासंसर्गादलिकनयनं किंचिदरुणम् ।।५०।।
2.51.a
शिवे शृङ्गारार्द्रा तदितरजने कुत्सनपरा
2.51.b
सरोषा गङ्गायां गिरिशचरिते विस्मयवती
2.51.c
हराहिभ्यो भीता सरसिरुहसौभाग्यजयिनी
2.51.d
सखीषु स्मेरा ते मयि जननि दृष्टिः सकरुणा ॥५१॥
2.52.a
गते कर्णाभ्यर्णं गरुत इव पक्ष्माणि दधती
2.52.b
पुरां भेत्तुश्चित्तप्रशमरसविद्रावणफले
2.52.c
इमे नेत्रे गोत्राधरपतिकुलोत्तंसकलिके
2.52.d
तवाकर्णाकृष्टस्मरशरविलासं कलयतः ॥५२॥
2.53.a
विभक्तत्रैवर्ण्यं व्यतिकरितलीलाञ्जनतया
2.53.b
विभाति त्वन्नेत्रत्रितयमिदमीशानदयिते
2.53.c
पुनः स्रष्टुं देवान्द्रुहिणहरिरुद्रानुपरतान्
2.53.d
रजः सत्त्वं बिभ्रत्तम इति गुणानां त्रयमिव ॥५३॥
2.54.a
पवित्रीकर्तुं नः पशुपतिपराधीनहृदये
2.54.b
दयामित्रैर्नेत्रैररुणधवलश्यामरुचिभिः
2.54.c
नदः शोणो गङ्गा तपनतनयेति ध्रुवममुं
2.54.d
त्रयाणां तीर्थानामुपनयसि संभेदमनघम् ।।५४।।
2.55.a
निमेषोन्मेषाभ्यां प्रलयमुदयं याति जगती
2.55.b
तवेत्याहुः सन्तो धरणिधरराजन्यतनये
2.55.c
त्वदुन्मेषाज्जातं जगदिदमशेषं प्रलयतः
2.55.d
परित्रातुं शङ्के परिहृतनिमेषास्तव दृशः ॥५५॥
2.56.a
तवापर्णे कर्णेजपनयनपैशुन्यचकिता
2.56.b
निलीयन्ते तोये नियतमनिमेषाः शफरिकाः
2.56.c
इयं च श्रीर्बद्धच्छदपुटकवाटं कुवलयम्
2.56.d
जहाति प्रत्यूषे निशि च विघटय्य प्रविशति ॥५६॥
2.57.a
दृशा द्राघीयस्या दरदलितनीलोत्पलरुचा
2.57.b
दवीयांसं दीनं स्नपय कृपया मामपि शिवे
2.57.c
अनेनायं धन्यो भवति न च ते हानिरियता
2.57.d
वने वा हर्म्ये वा समकरनिपातो हिमकरः ॥५७॥
2.58.a
अरालं ते पालीयुगलमगराजन्यतनये
2.58.b
न केषामाधत्ते कुसुमशरकोदण्डकुतुकम्
2.58.c
तिरश्चीनो यत्र श्रवणपथमुल्लङ्घ्य विलस
2.58.d
न्नपाङ्गव्यासङ्गो दिशति शरसंधानधिषणाम् ।।५८।।
2.59.a
स्फुरद्गण्डाभोगप्रतिफलितताटङ्कयुगलं
2.59.b
चतुश्चक्रं मन्ये तव मुखमिदं मन्मथरथम्
2.59.c
यमारुह्य द्रुह्यत्यवनिरथमर्केन्दुचरणं
2.59.d
महावीरो मारः प्रमथपतये सज्जितवते ॥५९॥
2.60.a
सरस्वत्याः सूक्तीरमृतलहरीकौशलहरीः
2.60.b
पिबन्त्याः शर्वाणि श्रवणचुलुकाभ्यामविरलम्
2.60.c
चमत्कारश्लाघाचलितशिरसः कुण्डलगणो
2.60.d
झणत्कारैस्तारैः प्रतिवचनमाचष्ट इव ते ॥६०॥
2.61.a
असौ नासावंशस्तुहिनगिरिवंशध्वजपटि
2.61.b
त्वदीयो नेदीयः फलतु फलमस्माकमुचितम्
2.61.c
वहन्नन्तर्मुक्ताः शिशिरतरनिश्वासगलितं
2.61.d
समृद्ध्या यस्तासां बहिरपि च मुक्तामणिधरः ॥६१॥
2.62.a
प्रकृत्यारक्तायास्तव सुदति दन्तच्छदरुचेः
2.62.b
प्रवक्ष्ये सादृश्यं जनयतु फलं विद्रुमलता
2.62.c
न बिम्बं त्वद्बिम्बप्रतिफलनरागादरुणितं
2.62.d
तुलामध्यारोढुं कथमिव न लज्जेत कलया ॥६२॥
2.63.a
स्मितज्योत्स्नाजालं तव वदनचन्द्रस्य पिबतां
2.63.b
चकोराणामासीदतिरसतया चञ्चुजडिमा
2.63.c
अतस्ते शीतांशोरमृतलहरीमम्लरुचयः
2.63.d
पिबन्ति स्वच्छन्दं निशि निशि भृशं काञ्जिकधिया ॥६३॥
2.64.a
अविश्रान्तं पत्युर्गुणगणकथाम्रेडनजपा
2.64.b
जपापुष्पच्छाया तव जननि जिह्वा जयति सा
2.64.c
यदग्रासीनायाः स्फटिकदृषदच्छच्छविमयी
2.64.d
सरस्वत्या मूर्तिः परिणमति माणिक्यवपुषा ॥६४॥
2.65.a
रणे जित्वा दैत्यानपहृतशिरस्त्रैः कवचिभिर्
2.65.b
निवृत्तैश्चण्डांशत्रिपुरहरनिर्माल्यविमुखैः
2.65.c
विशाखेन्द्रोपेन्द्रैः शशिविशदकर्पूरशकला
2.65.d
विलीयन्ते मातस्तव वदनताम्बूलकबलाः ॥६५॥
2.66.a
विपञ्च्या गायन्ती विविधमपदानं पशुपतेः
2.66.b
त्वयारब्धे वक्तुं चलितशिरसा साधुवचने
2.66.c
तदीयैर्माधुर्यैरपलपिततन्त्रीकलरवां
2.66.d
निजां वीणां वाणी निचुलयति चोलेन निभृतम् ।।६६।।
2.67.a
कराग्रेण स्पृष्टं तुहिनगिरिणा वत्सलतया
2.67.b
गिरीशेनोदस्तं मुहुरधरपानाकुलतया
2.67.c
करग्राह्यं शम्भोर्मुखमुकुरवृन्तं गिरिसुते
2.67.d
कथंकारं ब्रूमस्तव चिबुकमौपम्यरहितम् ।।६७।।
2.68.a
भुजाश्लेषान्नित्यं पुरदमयितुः कण्टकवती
2.68.b
तव ग्रीवा धत्ते मुखकमलनालश्रियमियम्
2.68.c
स्वतः श्वेता कालागरुबहुलजम्बालमलिना
2.68.d
मृणालीलालित्यम्वहति यदधो हारलतिका ॥६८॥
2.69.a
गले रेखास्तिस्रो गतिगमकगीतैकनिपुणे
2.69.b
विवाहव्यानद्धप्रगुणगुणसंख्याप्रतिभुवः
2.69.c
विराजन्ते नानाविधमधुररागाकरभुवां
2.69.d
त्रयाणां ग्रामाणां स्थितिनियमसीमान इव ते ॥६९॥
2.70.a
मृणालीमृद्वीनां तव भुजलतानां चतसृणां
2.70.b
चतुर्भिः सौन्दर्यं सरसिजभवः स्तौति वदनैः
2.70.c
नखेभ्यः संत्रस्यन्प्रथममथनादन्धकरिपो
2.70.d
श्चतुर्णां शीर्षाणां सममभयहस्तार्पणधिया ॥७०॥
2.71.a
नखानामुद्द्योतैर्नवनलिनरागं विहसतां
2.71.b
कराणां ते कान्तिं कथय कथयामः कथमुमे
2.71.c
कयाचिद्वा साम्यं भजतु कलया हन्त कमलं
2.71.d
यदि क्रीडल्लक्ष्मीचरणतललाक्षारुणदलम् ।।७१।।
2.72.a
समं देवि स्कन्दद्विपवदनपीतं स्तनयुगं
2.72.b
तवेदं नः खेदं हरतु सततं प्रस्नुतमुखम्
2.72.c
यदालोक्याशङ्काकुलितहृदयो हासजनकः
2.72.d
स्वकुम्भौ हेरम्बः परिमृशति हस्तेन झटिति ॥७२॥
2.73.a
अमू ते वक्षोजावमृतरसमाणिक्यकुतुपौ
2.73.b
न संदेहस्पन्दो नगपतिपताके मनसि नः
2.73.c
पिबन्तौ तौ यस्मादविदितवधूसङ्गरसिकौ
2.73.d
कुमारावद्यापि द्विरदवदनक्रौञ्चदलनौ ॥७३॥
2.74.a
वहत्यम्ब स्तम्बेरमदनुजकुम्भप्रकृतिभिः
2.74.b
समारब्धां मुक्तामणिभिरमलां हारलतिकाम्
2.74.c
कुचाभोगो बिम्बाधररुचिभिरन्तः शबलितां
2.74.d
प्रतापव्यामिश्रां पुरदमयितुः कीर्तिमिव ते ॥७४॥
2.75.a
तव स्तन्यं मन्ये धरणिधरकन्ये हृदयतः
2.75.b
पयःपारावारः परिवहति सारस्वत इव
2.75.c
दयावत्या दत्तं द्रविडशिशुरास्वाद्य तव यत्
2.75.d
कवीनां प्रौढानामजनि कमनियः कवयिता ॥७५॥
2.76.a
हरक्रोधज्वालवलिभिरवलीढेन वपुषा
2.76.b
गभीरे ते नाभीसरसि कृतसङ्गो मनसिजः
2.76.c
समुत्तस्थौ तस्मादचलतनये धूमलतिका
2.76.d
जनस्तां जानीते तव जननि रोमावलिरिति ॥७६॥
2.77.a
यदेतत्कालिन्दीतनुतरतरङ्गाकृति शिवे
2.77.b
कृशे मध्ये किंचिज्जननि तव तद्भाति सुधियाम्
2.77.c
विमर्दादन्यो अन्यं कुचकलशयोरन्तरगतं
2.77.d
तनूभूतं व्योम प्रविशदिव नाभिं कुहरिणीम् ।।७७।।
2.78.a
स्थिरो गङ्गावर्तः स्तनमुकुलरोमावलिलता
2.78.b
निजावालं कुण्डं कुसुमशरतेजोहुतभुजः
2.78.c
रतेर्लीलागारं किमपि तव नाभिर्गिरिसुते
2.78.d
बिलद्वारं सिद्धेर्गिरिशनयनानां विजयते ॥७८॥
2.79.a
निसर्गक्षीणस्य स्तनतटभरेण क्लमजुषो
2.79.b
नमन्मूर्तेर्नारीतिलक शनैस्त्रुट्यत इव
2.79.c
चिरं ते मध्यस्य त्रुटिततटिनीतीरतरुणा
2.79.d
समावस्थास्थेम्नो भवतु कुशलं शैलतनये ॥७९॥
2.80.a
कुचौ सद्यःस्विद्यत्तटघटितकूर्पासभिदुरौ
2.80.b
कषन्तौ दोर्मूले कनककलशाभौ कलयता
2.80.c
तव त्रातुं भङ्गादलमिति वलग्नं तनुभुवा
2.80.d
त्रिधा नद्धं देवि त्रिवलि लवलीवल्लिभिरिव ॥८०॥
2.81.a
गुरुत्वं विस्तारं क्षितिधरपतिः पार्वति निजा
2.81.b
न्नितम्बादाच्छिद्य त्वयि हरणरूपेण निदधे
2.81.c
अतस्ते विस्तीर्णो गुरुरयमशेषां वसुमतीं
2.81.d
नितम्बप्राग्भारः स्थगयति लघुत्वं नयति च ॥८१॥
2.82.a
करीन्द्राणां शुण्डाः कनककदलीकाण्डपटलीम्
2.82.b
उभाभ्यामूरुभ्यामुभयमपि निर्जित्य भवती
2.82.c
सुवृत्ताभ्यां पत्युः प्रणतिकठिनाभ्यां गिरिसुते
2.82.d
विजिग्ये जानुभ्यां विबुधकरिकुम्भद्वयमसि ॥८२॥
2.83.a
पराजेतुं रुद्रं द्विगुणशरगर्भौ गिरिसुते
2.83.b
निषङ्गौ जङ्घे ते विषमविशिखो बाढमकृत
2.83.c
यदग्रे दृश्यन्ते दश शरफलाः पादयुगली
2.83.d
नखाग्रच्छद्मानः सुरमुकुटशाणैकनिशिताः ॥८३॥
2.84.a
श्रुतीनां मूर्धानो दधति तव यौ शेखरतया
2.84.b
ममाप्येतौ मातः शिरसि दयया धेहि चरणौ
2.84.c
ययोः पाद्यं पाथः पशुपतिजटाजूटतटिनी
2.84.d
ययोर्लाक्षालक्ष्मीररुणहरिचूडामणिरुचिः ॥८४॥
2.85.a
नमोवाकं ब्रूमो नयनरमणीयाय पदयो
2.85.b
स्तवास्मै द्वन्द्वाय स्फुटरुचिरसालक्तकवते
2.85.c

असूयत्यत्यन्तं यदभिहननाय स्पृहयते
2.85.d
पशूनामीशानः प्रमदवनकङ्केलितरवे ॥८५॥
2.86.a
मृषा कृत्वा गोत्रस्खलनमथ वैलक्ष्यनमितं


No comments:

Post a Comment