ॐ श्री गुरुभ्यो नमः|| गुरु ब्रह्मा गुरु विष्णु गुरु देवो महेश्वर: | गुरु साक्षात् परब्रह्मा तस्मै श्री गुरवे नमः ||

HTML codes

23 May 2011

!!-माण्डूक्योपनिषद्-!! maandukyopanishada-

!!-माण्डूक्योपनिषद्-!!


1
ओमित्येतदक्षरमिदं सर्वम् .
ओम् इति एतत् अक्षरम् इदम् सर्वम्.
तस्योपव्याख्यानम् .
तस्य उपव्याख्यानम्.
भूतं भवद्
भूतम् भवत्
भविष्यदिति सर्वमोङ्कार एव .
भविष्यत् इति सर्वम् ओङ्कारः एव.
यच्चान्यत्त्रिकालातीतं तदप्य्
यत् च अन्यत् त्रिकालातीतम् तत् अपि
ओङ्कार एव .
ओङ्कारः एव.
2
सर्वं ह्येतद्ब्रह्म .
सर्वम् हि एतत् ब्रह्म.
अयमात्मा ब्रह्म .
अयम् आत्मा ब्रह्म.
सो ऽयमात्मा चतुष्पात् .
सः अयम् आत्मा चतुष्पात्.
3
जागरितस्थानो बहिःप्रज्ञः सप्ताङ्ग एकोनविंशतिमुखः स्थूलभुग्
जागरितस्थानः बहिःप्रज्ञः सप्ताङ्गः एकोनविंशतिमुखः स्थूलभुक्
वैश्वानरः प्रथमः पादः .
वैश्वानरः प्रथमः पादः.
4
स्वप्नस्थानो ऽन्तःप्रज्ञः सप्ताङ्ग एकोनविंशतिमुखः प्रविविक्तभुक्
स्वप्नस्थानः अन्तःप्रज्ञः सप्ताङ्गः एकोनविंशतिमुखः प्रविविक्तभुक्
तैजसो द्वितीयः पादः .
तैजसः द्वितीयः पादः.
5
यत्र सुप्तो न कञ्चन कामं कामयते न कञ्चन स्वप्नं पश्यति तत्सुषुप्तम् .
यत्र सुप्तः न कञ्चन कामम् कामयते न कञ्चन स्वप्नम् पश्यति तत् सुषुप्तम्.
सुषुप्तस्थान एकीभूतः प्रज्ञानघन एवानन्दमयो ह्य्
सुषुप्तस्थानः एकीभूतः प्रज्ञानघनः एव आनन्दमयः हि
आनन्दभुक्चेतोमुखः प्राज्ञस्तृतीयः पादः .
आनन्दभुक् चेतोमुखः प्राज्ञः तृतीयः पादः.
6
एष सर्वेश्वरः .
एषः सर्वेश्वरः.
एष सर्वज्ञः .
एषः सर्वज्ञः.
एषो ऽन्तर्यामी .
एषः अन्तर्यामी.
एष योनिः सर्वस्य .
एषः योनिः सर्वस्य.
प्रभवाप्ययौ हि भूतानाम् .
प्रभवाप्ययौ हि भूतानाम्.
7
नान्तःप्रज्ञं न बहिःप्रज्ञं नोभयतःप्रज्ञं न प्रज्ञानघनं न प्रज्ञं नाप्रज्ञम् .
न अन्तःप्रज्ञम् न बहिःप्रज्ञम् न उभयतःप्रज्ञम् न प्रज्ञानघनम् न प्रज्ञम् न अप्रज्ञम्.
अदृष्टमव्यवहार्यमग्राह्यमलक्षणमचिन्त्यम्
अदृष्टम् अव्यवहार्यम् अग्राह्यम् अलक्षणम् अचिन्त्यम्
अव्यपदेश्यमेकात्मप्रत्ययसारं प्रपञ्चोपशमं शान्तं शिवमद्वैतं
अव्यपदेश्यम् एकात्मप्रत्ययसारम् प्रपञ्चोपशमम् शान्तम् शिवम् अद्वैतम्
चतुर्थं मन्यन्ते .
चतुर्थम् मन्यन्ते.
स आत्मा .
सः आत्मा.
स विज्ञेयः .
सः विज्ञेयः.
8
सो ऽयमात्माध्यक्षरमोङ्कारः .
सः अयम् आत्मा अध्यक्षरम् ओङ्कारः.
अधिमात्रं पादा मात्रा मात्राश्च पादा
अधिमात्रम् पादाः मात्राः मात्राः च पादाः
अकार उकारो मकार इति .
अकारः उकारः मकारः इति.
9
जागरितस्थानो वैश्वानरो ऽकारः प्रथमा मात्राप्तेरादिमत्त्वाद्वा .
जागरितस्थानः वैश्वानरः अकारः प्रथमा मात्रा आप्तेर् आदिमत्त्वात् वा.
आप्नोति ह वै सर्वान्कामानादिश्च भवति .
आप्नोति ह वै सर्वान् कामान् आदिः च भवति.
10
स्वप्नस्थानस्तैजस उकारो द्वितीया मात्रोत्कर्षादुभयत्वाद्व .
स्वप्नस्थानः तैजसः उकारः द्वितीया मात्रा उत्कर्षात् उभयत्वात् व.
उत्कर्षति ह वै ज्ञानसन्ततिम् .
उत्कर्षति ह वै ज्ञानसन्ततिम्.
समानश्च भवति .
समानः च भवति.
नास्याब्रह्मवित्
न अस्य अब्रह्मवित्
कुले भवति य एवं वेद .
कुले भवति यः एवम् वेद.
11
सुषुप्तस्थानः प्राज्ञो मकारस्तृतीया मात्रा मितेरपीतेर्वा .
सुषुप्तस्थानः प्राज्ञः मकारः तृतीया मात्रा मितेः अपीतेः वा.
मिनोति ह वा इदं सर्वमपीतिश्च भवति य एवं वेद .
मिनोति ह वै इदम् सर्वम् अपीतिः च भवति यः एवम् वेद.
{मिति: मिनोति; अपीति: मिनातिDeussen}
12
अमात्रश्चतुर्थो ऽव्यवहार्यः प्रपञ्चोपशमः शिवो ऽद्वैतः .
अमात्रः चतुर्थः अव्यवहार्यः प्रपञ्चोपशमः शिवः अद्वैतः.
एवमोङ्कार आत्मैव .
एवम् ओङ्कारः आत्मा एव.
संविशत्यात्मनात्मानं य एवं वेद .
संविशति आत्मना आत्मानम् यः एवम् वेद.

No comments:

Post a Comment